O Centro de Investigación Mariña (CIM) da Universidade de Vigo (CIM) participa en Aquafuture Spain 2025, a feira internacional de referencia para o sector acuícola que se celebra no IFEVI desde mañá e ata o xoves 22 de maio. O CIM estará presente cun stand propio no que se mostrarán algunhas das súas principais capacidades científicas e tecnolóxicas, así como proxectos que buscan fortalecer o vínculo entre ciencia e acuicultura. No espazo expositivo do centro preséntanse os proxectos MytUniSex, Marinnonet, Benjaminn e AQUASERV, todos eles cunha forte compoñente de transferencia de coñecemento e vinculados coa economía azul.
O CIM presenta en Aquafuture as súas solucións para o futuro do sector acuícola
